• सगरमाथा आरोहण क्रम जारी ,कामी रिता शेर्पाद्वारा २२ पटक आरोहण गरी विश्व कीर्तिमान

    सगरमाथा आरोहण क्रम जारी ,कामी रिता शेर्पाद्वारा २२ पटक आरोहण गरी विश्व कीर्तिमान

    नेपालटुरन्यूज संवाददाता —

    काठमाडौँ – यस वर्ष विश्वको सर्वोच्च शिखर सगरमाथा आरोहण क्रम शुरु भएको चौथो दिन आज कामी रिता शेर्पाले २२ पटक सगरमाथाको सफल आरोहण गरी विश्व कीर्तिमान कायम गरेका छन् /

    विश्वको सर्वोच्च शिखर सगरमाथाको सफल आरोहण गर्ने पर्वतारोहीको संख्या अव २७७ पुगेको छ /

    सगरमाथा आधार शिविरस्थित सम्पर्क अधिकृत ज्ञानेन्द्र श्रेष्ठका अनुसार , जेठ २ मा मौसम उपयुक्त भएकोले ४१ विदेशी र ५३ नेपाली सहित ९४ आरोहीले सगरमाथाको सफल आरोहण गरेका थिए / यस अघि पहिलो दिन आठ तथा सोमवार ४० आरोहीले सगरमाथाको सफल आरोहण गरेका थिए /

    यस्तै जेठ ४ शुक्रवार ६५ आरोही तथा जेठ ५ शनिवार ३६ आरोहीले सगरमाथाको सफल आरोहण गरे /

    यस पल्ट दुवै खुट्टा गुमाएका चीनका ६९ वर्षीय आरोही सिया बोयुले पाँचौ प्रयासमा सगरमाथाको सफल आरोहण गरे /

     

    पासाङल्हामु गाउँपालिका– ५, थामे सोलुखुम्बुका ४८ वर्षिय कामिरिता शेर्पाले बुधबार बिहान सगरमाथा चुचुरोमा पाइला टेकेर यसअघि २१ पटक सगरमाथा शिखरमा पुग्ने आप्पा शेर्पाको विश्व कीर्तिमानी तोडेका छन् ।

    हाल अमेरिकामा बसोबास गरेका आप्पा शेर्पापछि खुम्जुङका फुर्वाटासी शेर्पाले २१ पटक सगरमाथा आरोहण गरेका थिए /

    यस वर्षको वसन्त ऋतुमा ३८ टोलीका कुल ३४६ आरोहरुले ८,८४८ मिटर उच्च सगरमाथा आरोहणको अनुमति प्राप्त गरेका छन् / सगरमाथा आरोहणको क्रम यसै मे महिनाको अन्त्यसम्म जारी रहनेछ /

    जेठ ६ , २०७५

    तस्विर : कमिरिता शेर्पा

    • समाचार छोटकरी —

      नेपाल आउने विदेशी पर्यटक वृद्धि

      काठमाडौँ - सन् २०१७ को मे महिनाको तुलनामा सन् २०१८ को मे महिनामा नेपाल आउने विदेशी पर्यटकको संख्या ९.६ प्रतिशतले वृद्धि भएको छ ।अध्यागमन विभागको तथ्यांकअनुसार सन् २०१८ को मे मा ६८ हजार ८२५ विदेशी पर्यटकले नेपाल भ्रमण गरेका छन् । यो सहित पाँच महिनामा चार लाख ५४ हजार ८५५ विदेशी पर्यटक नेपाल आएका छन् ।

      तेस्रो हिमालयन ट्राभल मार्ट जुन ७–९ ,२०१९ मा

      काठमाडौँ - हिमालयन ट्राभल मार्ट तेस्रो संस्करण आगामी वर्ष जुन ७ देखि ९ सम्म आयोजना हुने भएको छ । अन्तर्राष्ट्रिय ट्राभल ट्रेड मेलाको रुपमा स्थापित हिमालयन ट्राभल मार्ट बी–टु–बी प्रवद्र्धन मञ्च बनेको छ । मार्टको पहिलो दुई संस्करणहरु सन् २०१७ मा ५३ देशहरुवाट २२५ विदेशी प्रतिनिधिहरु तथा र सन् २०१८ मा ३६ देशहरुवाट १७० भन्दा बढी विदेशी प्रतिनिधिहरुको सहभागिता थियो /

      हनुमानढोका दरबार संग्रहालय सञ्चालन

      काठमाडौँ / तीन वर्षदेखि बन्द रहेको विश्व सम्पदा सूचीमा सूचीकृत हनुमानढोका दरबार क्षेत्रको संग्रहालय सञ्चालनमा आएको छ । विसं २०७२ वैशाख १२ गतेको भूकम्पले नासलचोकमा रहेको संग्रहालय भवन पूर्णरुपमा क्षति भएपछि ऐतिहासिक सामग्री संग्रह गरिएको स्थल बन्द भएको थियो / हनुमानढोका क्षेत्रको भ्रमणमा जाने पर्यटकलाई केही सामग्री देखाउने उद्देश्यले संग्रहालय दरबारको ढुकुटीमा सञ्चालन गरिएको छ ।संग्रहालय रहेको भवन  पूर्णतः बन्न अझै तीन वर्षभन्दा बढी समय लाग्नेछ /

       

      कीर्तिपुर - एक गन्तव्य

      यात्रा नेपाल

      सुन्दर चीन:एकीकृत पर्यटन वर्ष २०१८

      [table “4” not found /]

      नेपाल भ्रमण वर्ष - २०२०