• ‘पर्यटक, खोज, उद्धार, उपचार तथा अनुगमनसम्बन्धी कार्यविधि, २०७५’

    ‘पर्यटक, खोज, उद्धार, उपचार तथा अनुगमनसम्बन्धी कार्यविधि, २०७५’

    काठमाडौँ/ पर्यटकको उद्धार अबदेखि सम्बन्धित ट्राभल एजेन्सीले नै गर्नुपर्ने भएको छ । संस्कृति, पर्यटन तथा नागरिक उड्डयन मन्त्रालयले  ‘पर्यटक, खोज, उद्धार, उपचार तथा अनुगमनसम्बन्धी कार्यविधि, २०७५’ स्वीकृत गर्दै विपतमा परेका पर्यटक तथा सहयोगी हराएमा वा बेपत्ता भएमा खोजी गर्ने प्राथमिक दायित्व एजेन्सीकै हुने व्यवस्था गरेको हो ।

    पर्यटकको उद्धारको नाममा फर्जी उद्धार गरेर अत्यधिक पैसा असुल्ने प्रवृत्ति हाबी हुन थालेपछि सरकारले यससम्बन्धी कार्यविधि निर्माणको प्रक्रिया अघि बढाएको हो ।

     

    पर्यटक उद्धारमा संलग्न हुने वायुसेवा प्रदायक अथवा हेलिकोप्टर कम्पनीले प्रत्येक सिजन समाप्त भएको १५ दिनभित्र उद्धार उडानको विवरण दिनुपर्ने भएको छ ।

    त्यस्तै स्वास्थ्य संस्थाले उपचार गरेको पर्यटकको डिस्चार्ज भएको १५ दिनभित्र उपचार लागतको विवरण दिनुपर्ने व्यवस्था पनि कार्यविधिमा गरिएको छ । खोज, उद्धार एवं उपचारमा संलग्न व्यक्ति तथा संस्थाले त्यसको सम्पूर्ण लागतको बिजक एजेन्सीसमक्ष पेस गर्नुपर्ने व्यवस्था छ ।

    कार्यविधिले पर्यटकको नियमनका लागि एउटा स्थायी पर्यटक खोज तथा उद्धार निर्देशक समिति गठन गर्ने व्यवस्था पनि गरेको छ ।

    तस्विर  कोरा

     

    • समाचार छोटकरी —

      नेपाल आउने विदेशी पर्यटक वृद्धि

      काठमाडौँ - सन् २०१७ को मे महिनाको तुलनामा सन् २०१८ को मे महिनामा नेपाल आउने विदेशी पर्यटकको संख्या ९.६ प्रतिशतले वृद्धि भएको छ ।अध्यागमन विभागको तथ्यांकअनुसार सन् २०१८ को मे मा ६८ हजार ८२५ विदेशी पर्यटकले नेपाल भ्रमण गरेका छन् । यो सहित पाँच महिनामा चार लाख ५४ हजार ८५५ विदेशी पर्यटक नेपाल आएका छन् ।

      तेस्रो हिमालयन ट्राभल मार्ट जुन ७–९ ,२०१९ मा

      काठमाडौँ - हिमालयन ट्राभल मार्ट तेस्रो संस्करण आगामी वर्ष जुन ७ देखि ९ सम्म आयोजना हुने भएको छ । अन्तर्राष्ट्रिय ट्राभल ट्रेड मेलाको रुपमा स्थापित हिमालयन ट्राभल मार्ट बी–टु–बी प्रवद्र्धन मञ्च बनेको छ । मार्टको पहिलो दुई संस्करणहरु सन् २०१७ मा ५३ देशहरुवाट २२५ विदेशी प्रतिनिधिहरु तथा र सन् २०१८ मा ३६ देशहरुवाट १७० भन्दा बढी विदेशी प्रतिनिधिहरुको सहभागिता थियो /

      हनुमानढोका दरबार संग्रहालय सञ्चालन

      काठमाडौँ / तीन वर्षदेखि बन्द रहेको विश्व सम्पदा सूचीमा सूचीकृत हनुमानढोका दरबार क्षेत्रको संग्रहालय सञ्चालनमा आएको छ । विसं २०७२ वैशाख १२ गतेको भूकम्पले नासलचोकमा रहेको संग्रहालय भवन पूर्णरुपमा क्षति भएपछि ऐतिहासिक सामग्री संग्रह गरिएको स्थल बन्द भएको थियो / हनुमानढोका क्षेत्रको भ्रमणमा जाने पर्यटकलाई केही सामग्री देखाउने उद्देश्यले संग्रहालय दरबारको ढुकुटीमा सञ्चालन गरिएको छ ।संग्रहालय रहेको भवन  पूर्णतः बन्न अझै तीन वर्षभन्दा बढी समय लाग्नेछ /

       

      कीर्तिपुर - एक गन्तव्य

      यात्रा नेपाल

      सुन्दर चीन:एकीकृत पर्यटन वर्ष २०१८

      [table “4” not found /]

      नेपाल भ्रमण वर्ष - २०२०