• नेपाल-चीन बीच रेलमार्ग लगायत १४ सम्झौता सम्पन्न

    नेपाल-चीन बीच रेलमार्ग लगायत १४ सम्झौता सम्पन्न

    नेपाल टुर न्यूज —

    काठमाडौँ - नेपाल र चीनबीच विभिन्न १० क्षेत्रमा द्विपक्षीय सहयोग आदानप्रदान तथा विभिन्न चार क्षेत्रमा समझदारी पत्रमा हस्ताक्षर भएको छ /

    चीनको औपचारिक भ्रमणमा रहनुभएका प्रधानमन्त्री केपी शर्मा ओली र उहाँका चिनियाँ प्रधानमन्त्री ली खछ्याङबीच ग्रेट हल अफ पिपुलमा भएको प्रतिनिधिमण्डलस्तरीय वार्तामा केरुंग- काठमाडौँ  रेलमार्ग निर्माण लगायतका विषयमा सम्झौता भएको हो ।

    यस्तै तिब्बतको राजमार्ग उपयोग, ऊर्जा सहयोग, आर्थिक तथा प्राविधिक सहयोग, मानव संसाधनको विकास जस्ता विषयमा दुई मुलुकबीच सझमदारी कायम भएको  छ ।
    चीनको ल्हासा हुँदै केरुङ - रसुवागढी विद्युतीय रेलमार्ग निर्माण ,दुई देशबीच ऊर्जा क्षेत्रमा सहकार्य ,कार्गो यातायात सेवाका लागि नेपाल–तिब्बत सीमामा आठवटा नाका प्रयोग , मानव संसाधन विकासमा सहयोग , चीनको सहयोगमा काठमाडौँको दरबार स्क्वायरको पुनःनिर्माण, चीनसँग जोडिने दुई नाका रसुवा र तातोपानीमा पुल निर्माण गर्ने लगायतका विषयमा पनि समझदारी भएको छ ।

    यस्तै दुवै राष्ट्र बीच आपसी सम्बन्ध र सहयोग सुद्रिढ पार्ने प्रतिवद्धता सहित १४ बुँदाको संयुक्त वक्तब्य जारी गरिएको छ /

    प्रधानमन्त्री ओली चीन सरकारको निमन्त्रणमा छ दिवसीय औपचारिक राजकीय भ्रमणका क्रममा चीनमा रहँदा उहाँले जनवादी गणतन्त्र चीनका राष्ट्रपति सी जिन पिङ, प्रधानमन्त्री ली खछयाङ, नेसनल पिपुल्स काँग्रेसका अध्यक्ष ली झाङसु, एसियन इन्फ्रास्ट्रक्चर इन्भेस्टमेन्ट बैङकका अध्यक्ष जीन लिक्उन, व्यवसायी र लगानीकर्ताहरूसँग भेटवार्ता गर्नु भयो /

    स्वदेश फर्कने क्रममा  ओली तथा स्वशासित क्षेत्र तिब्बत (टीएआर)का अध्यक्ष छिटाला बीच ल्हासामा भेटवार्ता हुनेछ / प्रम ओलीका साथ ११९ सदस्यीय जम्बो टोली चीन भ्रमणमा छ /

    असार ७ , २०७५

    तस्विर : चिनियाँ प्रधानमन्त्री ली खछ्याङ तथा प्रधानमन्त्री केपी शर्मा ओली बेइजिंगमा /

    • समाचार छोटकरी —

      नेपाल आउने विदेशी पर्यटक वृद्धि

      काठमाडौँ - सन् २०१७ को मे महिनाको तुलनामा सन् २०१८ को मे महिनामा नेपाल आउने विदेशी पर्यटकको संख्या ९.६ प्रतिशतले वृद्धि भएको छ ।अध्यागमन विभागको तथ्यांकअनुसार सन् २०१८ को मे मा ६८ हजार ८२५ विदेशी पर्यटकले नेपाल भ्रमण गरेका छन् । यो सहित पाँच महिनामा चार लाख ५४ हजार ८५५ विदेशी पर्यटक नेपाल आएका छन् ।

      तेस्रो हिमालयन ट्राभल मार्ट जुन ७–९ ,२०१९ मा

      काठमाडौँ - हिमालयन ट्राभल मार्ट तेस्रो संस्करण आगामी वर्ष जुन ७ देखि ९ सम्म आयोजना हुने भएको छ । अन्तर्राष्ट्रिय ट्राभल ट्रेड मेलाको रुपमा स्थापित हिमालयन ट्राभल मार्ट बी–टु–बी प्रवद्र्धन मञ्च बनेको छ । मार्टको पहिलो दुई संस्करणहरु सन् २०१७ मा ५३ देशहरुवाट २२५ विदेशी प्रतिनिधिहरु तथा र सन् २०१८ मा ३६ देशहरुवाट १७० भन्दा बढी विदेशी प्रतिनिधिहरुको सहभागिता थियो /

      हनुमानढोका दरबार संग्रहालय सञ्चालन

      काठमाडौँ / तीन वर्षदेखि बन्द रहेको विश्व सम्पदा सूचीमा सूचीकृत हनुमानढोका दरबार क्षेत्रको संग्रहालय सञ्चालनमा आएको छ । विसं २०७२ वैशाख १२ गतेको भूकम्पले नासलचोकमा रहेको संग्रहालय भवन पूर्णरुपमा क्षति भएपछि ऐतिहासिक सामग्री संग्रह गरिएको स्थल बन्द भएको थियो / हनुमानढोका क्षेत्रको भ्रमणमा जाने पर्यटकलाई केही सामग्री देखाउने उद्देश्यले संग्रहालय दरबारको ढुकुटीमा सञ्चालन गरिएको छ ।संग्रहालय रहेको भवन  पूर्णतः बन्न अझै तीन वर्षभन्दा बढी समय लाग्नेछ /

       

      कीर्तिपुर - एक गन्तव्य

      यात्रा नेपाल

      सुन्दर चीन:एकीकृत पर्यटन वर्ष २०१८

      [table “4” not found /]

      नेपाल भ्रमण वर्ष - २०२०